Մեր ընկերության հաճախորդների ժամանակը խնայելու և ավելորդ անհանգստություններից զերծ պահելու նպատակով «Նորվիկ» ՈՒՎԿ ՓԲԸ-ն սկսել է համագործակցությունը “Telcell” ընկերության հետ, որը ներկայացնում է Հայաստանում ինքնասպասարկման տերմինալներով վճարումների ընդունման ամենախոշոր համակարգը, ընդգրկում է ինչպես մայրաքաղաքը, այնպես էլ մի շարք մարզկենտրոններ: “Telcell” համակարգի առավելությունն այն է, որ վերջինս գործում է արագ և արդյունավետ, մշտապես աշխատում է համակարգի կատարելագործման և մատուցված ծառայությունների որակի բարձրացման ուղղությամբ: Սա է ապացուցում “Telcell” ընկերության սկզբունքները` ժամանակի խնայողություն, հարմարավետություն և ընտրության ազատություն:

Իսկ սա նշանակում է, որ այժմ Ձեզ համար ապառիկների և վարկերի ամենամսյա վճարումներ կատարելը դարձել է շատ ավելի դյուրին` շնորհիվ “Telcell” ընկերության գազարագույն վճարային տերմինալների, որոնց շատ հեշտ է տարբերակել. նրանք ունեն վառ գունավորում և յուրահատուկ դիզայն: Տերմինալների միջոցով վարկերի մարման ուղեցույցին կարող եք ծանոթանալ այստեղ: