Նորություններ
Հուլիսի 4-ին Նորվիկ ՈւՎԿ-ն նշում է իր 4-րդ տարելիցը
2010 թ. հուլիսի 4-ին լրանում է Նորվիկ ՈՒՎԿ ՓԲԸ-ի 4 տարեկանը: Յուրաքանչյուր տարելիցը մեր համար անցյալ տարվա գործունեության արդյունքները ամփոփելու և ապագա ծրագրեր կազմելու ժամանակն է:
Անցյալ տարվա արդյունքները ամփոփելիս կարևոր է նշել, որ Նորվիկ ՈՒՎԿ-ին հաջողվեց անցյալում թողնել ֆինանսական ճգնաժամով պայմանավորված և կազմակերպության համար բարդ ժամանակահատվածը: Նորվիկ ՈՒՎԿ-ի գործադիր տնօրեն Ալեքսանդր Տերյանի խոսքերով, Հայաստանում տնտեսական ճգնաժամը առաջին հերթին յուրաքանչյուր կազմակերպության կայունության ստուգումն էր, և ցավոք, ոչ բոլորը կարողացան դիմագրավել այդ փորձությանը, սակայն արդեն այսօր Նորվիկ ՈՒՎԿ-ն իր ճիշտ մշակված ռազմավարության շնորհիվ ապացուցեց իր ճկունությունը համաշխարհային տնտեսության ելևէջների նկատմամբ:
Այսօրվա դրությամբ Նորվիկ ՈՒՎԿ-ի ռազմավարության հիմնական ուղղությունն է հանդիսանում բիզնես-վարկավորումը, որի ծավալները օրեցօր աճում են: Հաշվի առնելով այն փաստը, որ ֆինանսական ճգնաժամից հետո շատ ձեռնարկություններ լրացուցիչ ֆինանսավորման կարիքն ունեն, Նորվիկ ՈՒՎԿ-ի փորձագետները համարում են, որ բիզնես-վարկավորումը այն բնագավռն է, որտեղ կազմակերպությունը կկարողանա առաջարկել առավել մրցունակ պայմաններ` ձեռնարկատերերին աջակցելու և Հայաստանի տնտեսության զարգացումը խթանելու համար:
Նորվիկ ՈՒՎԿ-ն վաղուց հայտնի է հայկական ֆինանսական շուկայում որպես գերժամանակակից տեխնոլոգիաների ներդրման առաջատար: 2010 թվականի ընթացքում Նորվիկ ՈՒՎԿ-ն կշարունակի ակտիվորեն կիրառել նորագույն տեղեկատվական տեխնոլոգիաները ժամանակի խնայման և առավելագույն հարմարավետության ապահովման նպատակով, հավատարիմ մնալով իր կարգախոսին` գնահատել հաճախորդների ժամանակը և հարմարավետությունը:
Նորվիկ ՈՒՎԿ-ի առաքելությունն է լինել մատչելի և էֆեկտիվ ունիվերսալ ֆինանսական հաստատություն: Այս 4 տարվա ընթացքում կատարած գործը լավ հիմք է հանդիսանում կազմակերպության հետագա զարգացման համար: Արդեն այսօր մենք աշխատում ենք տրամադրել մեր հաճախորդներին նորանոր հնարավորություններ: Մեզ համար կարևոր է շարունակել կատարելագործվել և զարգացնել մեր պոտենցիալը, փորձը և ռեսուրսները` չմոռանալով կայունության և հաճախորդների կարիքների մասին: Մեզ վստահում են տասնյակ հազարավոր հաճախորդներ: Միասին մենք կարող ենք հասնել մեր նպատակներին:
Մենք շնորհակալություն ենք հայտնում բոլոր նրանց, ովքեր մեզ հետ էին այս 4 տարիների ընթացքում` մեր աշխատակիցներին, գործընկերներին և հաճախորդներին` մեզ հետ համագործակցելու և մեզ վստահելու համար: Ձեր շնորհիվ մեր կազմակերպությունը զարգանում և վստահ քայլում է դեպի նոր նվաճումներ:
|
 |
|
Հայաստան, 0002, Երևան, Սարյան 12
