Նորություններ
Հուլիսի 4-ին “Նորվիկ” ՈւՎԿ-ն նշում է իր երրորդ տարելիցը
2009 թ. հուլիսի 4-ին “Նորվիկ” ՈՒՎԿ-ն դարձավ 3 տարեկան: Յուրաքանչյուր տարելիցը մեր համար կազմակերպության աշխատանքի արդյունքները ամփոփելու և նոր ծրագրեր կազմելու ժամանակն է:
Կարևոր է նշել, որ այսքան կարճ ժամանակահատվածում “Նորվիկ” ՈՒՎԿ-ն ձեռք բերեց վստահելի, կայուն և իննովացիոն կազմակերպության վարկանիշ, մի կազմակերպության, որը շարունակ ձգտում է ուրախացնել իր հաճախորդներին հարմար նորամուծություններով:
“Նորվիկ” ՈՒՎԿ-ն ոչ միայն առանց կորուստների դուրս եկավ վերջին երեք տարիների բոլոր խոշոր ֆինանսական շրջադարձներից, այլև դիմագրավեց ներկա տնտեսական ճգնաժամին: “Նորվիկ” ՈՒՎԿ-ի գործադիր տնօրեն Տիգրան Բոստանջյանի խոսքերով, հայկական ֆինանսական ոլորտը ունի ոչ միայն մեծ պոտենցիալ, այլև բարձր դիմադրողականություն համաշխարհային տնտեսության ելևէջներին: Սա տալիս է մեր երկրին զգալի հնարավորություններ: Իհարկե պետք չէ մոռանալ, որ ճգնաժամը զարգացման նախադրյալներ է ստեղծում նրանց համար, ովքեր կկարողանան վերակառուցել իրենց գործունեությունը, կրճատել ծախսերը և բարձրացնել աշխատանքի էֆեկտիվությունը:
Այս տարիների ընթացքում կազմակերպության ինտենսիվ աճի երաշխիք են հանդիսացել առաջին հերթին աշխատակազմի մասնագիտական աշխատանքը, ինչպես նաև հարուստ փորձը և լատվաիսլանդական “Նորվիկ Բանկ” ԲԸ-ի կողմից անընդմեջ ֆինանսավորումը:
“Նորվիկի” հնարավորությունների վրա դրական ազդեցություն են ունեցել նաև “Նորվիկ Բանկի” բարձր ցուցանիշները: Լատվիայի առևտրային բանկերի Ասոցիացիայի տվյալների համաձայն ներկա պահին “Նորվիկ Բանկը” զբաղեցնում է 7-րդ տեղը լատվիական բանկերի ցուցակում ըստ կապիտալի և ռեզերվների ծավալի: Պետք է ավելացնել նաև, որ բանկը ճիշտ ժամանակին մարում է եվրոպական սինդիկատների կողմից տրամադրված վարկերը: Սինդիկացված վարկերից մեկը` 22 մլն. եվրո ընդհանուր գումարով, լիովին մարվել է 2008 թ. դեկտեմբերին, իսկ ևս մեկ վարկ` 25 մլն. եվրո ընդհանուր գումարով, լիովին մարվելու է 2009 թ. հուլիսի 8-ին:
Տ. Բոստանջյանի գնահատականով, վերջին տարվա ընթացքում շատ տեղական բանկերի լիկվիդայնությունը իջել է, իսկ տոկոսադրույքները, որոնց համաձայն բանկերը ֆինանսավորում են ստանում և ֆինանսավորում են իրենց հաճախորդներին, բարձրացել են: Այնուամենայնիվ, “Նորվիկ” ՈՒՎԿ-ն ոչ միայն պահպանեց իր կայունությունը, այլև շարունակեց նոր ծառայություններ և առաջարկներ մատուցել հայկական շուկայում:
Այսօր “Նորվիկ” ՈՒՎԿ-ն հայտնի է որպես նորագույն տեխնոլոգիաների ներդրման առաջատար, ինչը թույլ է տալիս կատարել բոլոր վճարումները` առանց տունը կամ աշխատավայրը լքելու և խնայել հաճախորդների փողը և ժամանակը:
2008 թվականից սկսած Երևան քաղաքի մի շարք առևտրային կենտրոններ միացել են ‘ապառիկը տեղում’ ծառայությանը, որը թույլ է տալիս սպառողական վարկը ձևակերպել on-line ռեժիմով, իսկ հաճախորդները հնարավորություն ստացան վճարումները կատարել “Տել-Սել” և “Տանդեմ” ինքնասպասարկման համակարգերի միջոցով և ինտերնետով` Е-dram վճարային համակարգի օգնությամբ:
Մեկ այլ կարևոր հանգամանք կարելի է համարել այն, որ վերջին ամիսների ընթացքում “Նորվիկ”-ը շարունակեց ընդլայնել իր ծառայությունների ցուցակը և փնտրել առկա ծառաությունների մատուցման նոր միջոցներ:
2009 թ. “Նորվիկ” ՈՒՎԿ-ն առաջարկեց նոր ֆինանսական ծառայություն` My Norvik հատուկ ինքնասպասարկման համակարգ, որը ստեղծվել է My.Norvik.am կայքում և օգնում է բավարարել նույնիսկ ամենապահանջկոտ հաճախորդի պահանջները:
Բոլոր վերը նշված գործոնները չէին կարող չանդրադառնալ նաև ռեյտինգային գնահատականների վրա: Կազմակերպության գրագետ մարտավարության շնորհիվ` “Նորվիկ” ՈՒՎԿ-ն պահպանել է սպասարկման կայունությունը և հարմարավետությունը նոր տնտեսական միջավայրում` հաճախորդների կողմից վստահություն վայելելով և Հայաստանի վարկային կազմակերպությունների ռեյտինգային ցուցակում առաջին տեղը զբաղացնելով: “Նորվիկ” ՈՒՎԿ-ն հավատարիմ է մնում իր կարգախոսին` գնահատել հաճախորդների ժամանակը և հարմարավետությունը:
“Նորվիկ”-ի առաքելությունն է լինել մատչելի և էֆեկտիվ ունիվերսալ ֆինանսական հաստատություն: Այս 3 տարվա ընթացքում կատարած գործը լավ հիմք է հանդիսանում կազմակերպության հետագա զարգացման համար: Արդեն այսօր մենք աշխատում ենք ոչ միայն պահպանել թվարկած ձեռքբերումները, այլև տրամադրել մեր հաճախորդներին նորանոր հնարավորություններ: Մեր համար կարևոր է շարունակել կատարելագործվել և զարգացնել մեր պոտենցիալը, փորձը և ռեսուրսները` չմոռանալով կայունության և հաճախորդների կարիքների մասին: Մեզ վստահում են տասնյակ հազարավոր հաճախորդներ: Միասին մենք կարող ենք հասնել մեր նպատակներին:
Մենք շնորհակալություն ենք հայտնում բոլոր նրանց, ովքեր մեր հետ էին այս 3 տարիների ընթացքում` մեր աշխատակիցներին, գործընկերներին և հաճախորդներին մեզ հետ համագործակցելու և մեզ վստահելու համար: Ձեր շնորհիվ մեր կազմակերպությունը զարգանում է և վստահ քայլում է դեպի նոր նվաճումներ:
|
 |
|
Հայաստան, 0002, Երևան, Սարյան 12
