Նորություններ


Լատվիայի բռնցքամարտի պատանեկան հավաքականի գլխավոր հովանավորն է հանդիսանում լատվաիսլանդական “Նորվիկ” բանկը

Այս օրերին Երևանը հյուրընկալում է շուրջ 50 երկիրներից ժամանած բռնցքամարտի պատանեկան հավաքականներին, որոնք պատրաստվում են մասնակցել մայիսի 23-30 կայանալիք բռնցքամարտի աշխարհի պատանեկան առաջնությանը: Մայիսի 20-ին Երևան է ժամանել Լատվիայի պատանեկան հավաքականը` իր գլխավոր մարզիչ Ալեքսանդր Սոտնիկի գլխավորությամբ: Լատվիայի հավաքականի գլխավոր հովանավորն է հանդիսանում լատվաիսլանդական “Նորվիկ” բանկը:

Ինչպես “Նորվիկ” ՈւՎԿ-ին հայտնեց հավաքականի գլխավոր մարզիչ Ալեքսանդր Սոտնիկը, վերջին տարիների ընթացքում բռնցքամարտը ակտիվորեն զարգանում է Լատվիայում: “2008 թ. մենք ունեցել ենք մեկ ոսկե մեդալակիր Եվրոպայի առաջնությանը և մեկ աշխարհի գավաթի ոսկե մեդալակիր”, - նշեց Ա. Սոտնիկը: Այս առաջնությանը Լատվիան ներկայացնելու է “Սիդնեյ- 2000” ակումբը:

Մայիսի 23-ին մարզիկները կմասնակցեն վիճակահանությանը, որից հետո կկայանան նախնական մարտերը: Լատվիայի հավաքականը հանդես կգա չորս քաշային կարգերում (52, 54, 57 և 66 կգ):

Ինչպես “Նորվիկ” ՈւՎԿ-ին մայիսի 21-ին կայացած հանդիպմանը հայտնեցին մարզիկները, իրենց շատ է դուր եկել Երևանը` իր հին ճարտարապետությամբ և ժամանակակից կառույցներով: Ա. Սոտնիկը նույնպես կիսվեց իր առաջին տպավորություններով Երևանի մասին և նշեց, որ հատկապես տպավորիչ էր հայ ազգի հյուրընկալությունը և շատ հաճելի էր զբոսնել քաղաքի մարդաշատ փողոցներով և տեսնել մարդկանց ուրախ և ժպտացող դեմքեր:

“Նորվիկ” ՈՒՎԿ ՓԲԸ-ն ուշադիր հետևելու է Լատվիայի հավաքականի մարտերին և ցանկանում է իրենց վերադառնալ հայրենիք ոսկե մեդալերով: